Sommarfestar i Strand – utan sommar!

Sommarfestar i Strand – utan sommar!

Mandag 13. og tysdag 14. juni laga livsgledeforeninga Livsglede for Eldre Strand til fest på Tautunet og Jonsokberget omsorgsenter.

Sjølv om sola og véret ikkje spelte på lag, var stemningen likevel god. På menyen var det ferske, lokale jordbær frå Idsø, sittetrim med Ramona og besøk av barnehagar. Bekkevegen barnehage på Jørpeland underheldt med dans og sjølskriven song! Dei beste turgjengarane siste året fekk fine premiar frå Saniteten. Livsgledeelevar frå Strand vgs hadde hovudansvaret for dei to sommarfestane.

Vårslepp i Strand

Vårslepp i Strand

Lokalforeninga til Livsglede for Eldre i Strand har vore på triveleg vårtur med bebuarar frå sjukeheimane i kommunen. 

20 bebuarar på Jonsokberget og Tautunet i Strand kommune nytta det fine vårvêret til ein rundtur i nordre delen av kommunen. Det blei stans på garden til Kåre Nordbø med kaffi og kringle – og møte med årets første lam. Seinare møtte dei barna i Eikehaugen barnehage, som gleda alle med påskeliljer og glad barnesong!

Livsglede for Eldre i Strand fekk også med seg fire elevar frå livsgledeskulen Tau ungdomsskule som assistentar. Det var ein fin dag med mykje glede for alle involverte!

Les mer om Livsglede for Eldre Strand